Nama Kebuah Iban Anang Ngundi BN (Kenapa Iban Jangan Undi BN)

Written by: Dr John Brian Anthony ( input ari 3rd party)

PLEASE PRINT THIS SHORT REMINDER AND DISTRIBUTE TO BATANG AI

* Jalai nyambung pelajar enggi kitai Iban sengaja ditejal orang ambi ke kitai tasal laun mansang
* Kereja perintah kitai Iban mati tusah alah laban bansa Abdullah enggau Tugau tuai.
* Api, jalai alun, ai kitai Iban maioh enda di beri awak ke seruran rimpi mabun laya.
* Pala tanah kitai Iban pen enda diberi perintah awak ke nyamai di tujah lalu di beri ngagai kaban iya
* Ba jalai dagang kitai Iban pen enda di beri peluang awak ke seruan ngining Cina, Laut, Melanau enggau bansa ti kaya
* Ba politik kitai Iban napi indik, untak diurik, mata dipantik awak ke lungau enda meda nadai seput kena ngeleda.
* Pengajar di ulu pen diberi agai Melayu Malaya ambi ke sida bulih eluan maioh nyadi raja bulih reta.
* Nyunting Barisan nya baka ngerawang jalai ke sebayan ke ulun Chendan enggau Chaung jai sada.
* Ngundi PKR nya chara kitai Iban malas penyaie Najib, Taib, George Chan, James Masing enggau Jabu.
* Milih Jawah Gerang nya tanda kitai Iban enda ulih di engkaramba orang ngapa awak ke kitai majak mansang senang belama
* Tan bubu ridan bulih ikan labang, Ambi project enggau duit Barisan Ngundi Jawah Gerang
* Enti undi kitai Iban alah beli BN reti nya kitai bansa sigi nadai rega, nadai nama, nadai rita.
* Enti PKR alah kitai Iban majak dikemeli, dikembula, dikelanyai ke BN - nadai pala tanah, nadai pemansang manah serta berega - mina bulih sepir pemansang.
* UNDI PKR asuh menang kitai Iban awak ke nyadi Kepala Menteri Sarawak PKR ila.
* Anyut ke Taib mahmud ambi ke iya badu agi dipeda.
* Sida Temenggung, Pemancha, Pengulu, Tuai Rumah Kunsila BN ukai orang ke patut dititih laban sida pan digaji BN makai rakyat. Enti kita mending ke jaku sida, reti nya kita ditu baka nganjung paung empa jani Taib, Jabu & Jabu - orang ti teleba beridup nginsap darah bansa diri empu.
* Mimit bejaku nyebut SALCRA & LCDA laban kitai iban mudah dikemula senang dikelese. Iban ti udah kena nemu SALCRA & LCDA nya nipu, orang ke amat bulih penguntung nya mina Taib, Jemut & Jabu.
* Nama pemansang Iban di Kapit bai Jemut?. Minta jalai alun ari Sibu ke Kepit ke semina 126km pan iya takut, takut ka express Cina enda laku laban duai iya Jabu sigi rindu merinsa bansa diri empu.
* Mimit bejaku nyebut Betong berari-rari, nya politik Jabu ajar Tang Yang Sangat Dikasihi. Enti perintah bai Jabu semina nemu ngemansang ke menua Betong, kapa kitai ba ai bukai tu deka nyukung?. Awaka orang Betong aja mih nyukung Barisan laban semina menua Betong aja dikemansang ke Jabu seduai Buban!
* Menua Batang Ai tu asal penatai Iban baka Belaga asal menua pemindah Kenyah & kayan. Dua bengkah menua tu sengaja digaga ke Taib tekat ai awak ka Dayak nadai agi kelai pesaka bansa diri. Kati kitai tau enda nemu?. Dini untak Jemut & Jabu?. Lapa Taib enda ngaga projek hidro ba menua Laut & Melanau?. Kati agi enda nemu ga kitai Jabu & Jemut nya jugau?. Jemut kerah-kerah madah ke perintah Taib deka nambah ke tekat ai 12 iti da. Patut kitai dibai iya sebaka beli enggau iya laban semua 12 iti tekat ai nya deka digaga ngalah ke menua ke diwan bansa Dayak?. Patut kitai Iban berunding, BN anang sekali-kali nyunting laban BN Taib tu parti munuh, ketegal iya nemu kitai Dayak tu mayuh tubuh.
* Apai, indai aki, ini, aka, menyadi - dani mih kitai ari mimpi ti dibai Jabu, Jemut & Mussen enggai ke kitai empu, anak telesak, uchu ambu, ichit wit kitai ila nyadi ulun Taib & BN!
* Enti Jabu & Jemut madah ke PKR tu parti ari Malaya, BN ke betuai ke UMNO pan ukai datai ari Lubang Baya Tapang Peraja. PKR tu amat parti baru tang BN sigi udah lama ditemu Bula + Nipu (B+N).
* Masuk Malaysia 45 taun ngasuh Iban majak merinsa enda nyenyalah baka rari ke ribut tetemu ke ujan, rari ke sungkup tetemu ke pendam, ku jaku deka ngiga pengidup tang ngasuh nyau nyadi ulun parti Barisan.
* Kati Taib enda nemu ngeleda?. Udah iya empu, diatu bini iya ga empa cancer. Tulah makai duit rakyat mih nya, nyau deka parai pan enda nemu jera. Mensia kelalu jai baka tu kati ku ngajar?. “Nadai cara bukai tang undi PKR.” Penyai Taib, Jabu & Jemut nama jalai nagang?. “Mudah nya wai, undi aja Jawah Gerang!.” Politik makai suap bakani deka mutar?. “Tualk BN, ambi PKR!” Enti PKR menang, nama penguntung ulih kitai di Batang Ai?. “Taib, Jabu & Jemut deka nukung laban nyau nemu kitai Iban enda ulih kemeli ke agi.”

IDUP BANSA DAYAK LALU ANGKAT NYADI RAJA